పోలియో చుక్కలు వేసిన సర్పంచ్, తల్లిదండ్రులకు విజ్ఞప్తి

సంగారెడ్డి జిల్లా ఆందోల్ మండలం మాసాన్ పల్లి గ్రామ పంచాయతీలో, గ్రామ సర్పంచ్ బంటు సత్యం ఐదు సంవత్సరాలలోపు పిల్లలకు పోలియో చుక్కలు వేశారు. ఈ సందర్భంగా, తల్లిదండ్రులు తమ పిల్లల భవిష్యత్తు కోసం తప్పనిసరిగా పోలియో చుక్కలు వేయించాలని ఆయన విజ్ఞప్తి చేశారు. నిండు జీవితానికి రెండు చుక్కలు తప్పనిసరి అని, పిల్లల భవిష్యత్తు కోసం తల్లిదండ్రులు ఈ బాధ్యత తీసుకోవాలని సూచించారు. ఈ కార్యక్రమంలో ఉపసర్పంచ్ రాజు, వార్డు సభ్యులు, ఆశా వర్కర్లు, గ్రామ ప్రజలు పాల్గొన్నారు.