మహిళా డిగ్రీ కళాశాలలో AI కృత్రిమ మేధస్సు బర్త్డే కార్యక్రమం

గజ్వేల్‌లోని ప్రభుత్వ మహిళా డిగ్రీ కళాశాల కంప్యూటర్ సైన్స్ విభాగం ఆధ్వర్యంలో సోమవారం కృత్రిమ మేధస్సు (AI) పుట్టినరోజు సందర్భంగా “కృత్రిమ మేధస్సు చరిత్ర” పై ప్రత్యేక డాక్యుమెంటరీ ప్రదర్శన జరిగింది. ఈ డాక్యుమెంటరీ ద్వారా 1956లో AI ఆవిర్భావం నుండి నేటి జనరేటివ్ AI వరకు సాధించిన అభివృద్ధి, విద్య, వైద్యం, వ్యవసాయం, పరిశ్రమలు, సమాచార సాంకేతిక రంగాల్లో AI వినియోగం, భవిష్యత్ అవకాశాలను విద్యార్థులకు వివరించారు. ఈ కార్యక్రమంలో కళాశాల ప్రిన్సిపాల్ ప్రొఫెసర్ అనిత అబ్రహాం ముఖ్య అతిథిగా, డాక్టర్ సరోజ సమన్వయకర్తగా, కంప్యూటర్ అధ్యాపకులు, విద్యార్థినిలు పాల్గొన్నారు.