మెడికల్ కాలేజీలో సౌకర్యాల కొరత, రోగుల ఆందోళన

సంగారెడ్డి జిల్లా, సంగారెడ్డి నియోజకవర్గంలోని ప్రభుత్వ మెడికల్ కాలేజ్, ఆసుపత్రిలో సరైన సదుపాయాలు లేక రోగులు తీవ్ర ఇబ్బందులు పడుతున్నారు. డాక్టర్లు, రోగుల సంఖ్య అధికంగా ఉన్నా, మందుల కొరత, ఈసీజీ, సీటీ స్కానింగ్, ఎక్స్‌రే యంత్రాల కొరతతో రోగులు కష్టాలు పడుతున్నారు. మధ్యాహ్నం ఒంటిగంట వరకు మాత్రమే పరీక్షలు జరుగుతుండటంతో, రోగులు సకాలంలో పరీక్షలు చేయించుకోలేక, రోజుల తరబడి ఆసుపత్రి చుట్టూ తిరుగుతున్నారు. పార్కింగ్ స్థలం లేక వాహనాల నిలుపుదలలోనూ ఇబ్బందులు ఎదురవుతున్నాయి.