ఢిల్లీలో వాయు కాలుష్యాన్ని అరికట్టడానికి ప్రభుత్వం కఠిన చర్యలు ప్రకటించింది. పర్యావరణ మంత్రి మంజీందర్ సింగ్ సిర్సా తెలిపిన వివరాల ప్రకారం డిసెంబర్ 18 నుంచి సరైన PUCC లేని వాహనాలకు పెట్రోల్ బంకుల్లో ఇంధనం ఇవ్వబడదు. BS-VI కంటే తక్కువ ప్రమాణాలున్న ఢిల్లీయేతర ప్రైవేట్ వాహనాల ప్రవేశాన్ని నిషేధించారు. గత ప్రభుత్వాల వైఫల్యం వల్లే కాలుష్యం పెరిగిందని మంత్రి ఆరోపించారు. ప్రస్తుతం ఢిల్లీలో AQI 377గా ఉంది.