పెళ్లి వేడుకలో కాల్పులు.. కేసు నమోదు

హైదరాబాద్ పాతబస్తీలోని బర్కాస్‌లో జరిగిన పెళ్లి వేడుకలో వ్యాపారవేత్త అమీర్ బిన్ సయీద్ (41) రివాల్వర్‌తో మూడు రౌండ్లు గాల్లోకి కాల్పులు జరిపిన ఘటనపై పోలీసులు కేసు నమోదు చేశారు. ఈ సంఘటనకు సంబంధించిన వీడియో సోషల్ మీడియాలో వైరల్ కావడంతో పోలీసులు అమీర్‌ను గుర్తించి విచారించారు. విచారణలో, కాల్పులు జరిపిన రివాల్వర్ తన కజిన్ వలీద్ హుస్సేన్‌కు చెందిన లైసెన్స్‌డ్ ఆయుధమని అమీర్ తెలిపారు. ఆర్మ్స్ యాక్ట్ కింద అమీర్‌తో పాటు వలీద్‌పై కూడా కేసు నమోదు చేసి, తుపాకీని స్వాధీనం చేసుకున్నారు. ఈ ఘటన ఆగస్టు 2025లో జరిగిన పెళ్లిలో చోటుచేసుకున్నట్లు పోలీసులు స్పష్టం చేశారు.