అమెరికాలో కాల్పులు.. నలుగురు మృతి (VIDEO)

అమెరికాలో కాల్పుల కలకలం రేపింది. పెన్సిల్వేనియాలోని నార్త్‌ కోడోరస్‌ టౌన్‌షిప్‌లో బుధవారం జరిగిన కాల్పుల్లో ముగ్గురు పోలీసు అధికారులు మృతి చెందగా, ఇద్దరు తీవ్రంగా గాయపడ్డారు. పోలీసుల కాల్పుల్లో నిందితుడు కూడా మృతి చెందాడు. గృహహింస కేసులో విచారణకు వెళ్లిన సమయంలో ఈ ఘటన చోటుచేసుకుంది. ఫిలడెల్ఫియా నగరానికి సుమారు 185 కి.మీ. దూరంలో ఈ కాల్పులు జరిగాయి. ఘటనపై గవర్నర్‌ జోష్‌ షాపీరో తీవ్ర దిగ్భ్రాంతి వ్యక్తం చేశారు. పోలీసులు దర్యాప్తు కొనసాగిస్తున్నారు.