జీలుగ, జనుము విత్తనాలను రైతులు సద్వినియోగం చేసుకోవాలి

సిద్దిపేట జిల్లా తొగుట మండలం కేంద్రంలోని ఆగ్రోస్ రైతు సేవ కేంద్రంలో రైతులకు జీలుగ, జనుము సబ్సిడీ విత్తనాలను మంగళవారం ఏఎంసి మార్కెట్ కమిటీ చైర్మన్ చెరుకు విజయ్ రెడ్డి అందజేశారు. జీలుగ 1 కేజీ ధర రూ. 163.50, సబ్సిడీ రూ. 81.75, రైతు చెల్లించాల్సింది రూ. 81.75. జనుము 1 కేజీ ధర రూ. 155.50, సబ్సిడీ రూ. 77.75, రైతు చెల్లించాల్సింది రూ. 77.75. పచ్చి రొట్ట ఎరువులను సద్వినియోగం చేసుకోవాలని రైతులను కోరారు. ఈ కార్యక్రమంలో వైస్ చైర్మన్ కొంగరి నర్సింలు, సర్పంచ్ శోభ కొండల్ రెడ్డి తదితరులు పాల్గొన్నారు.