చివరి గింజ కొనుగోలు చేసేవరకు పోరాటం కొనసాగిస్తూనే ఉంటాం

పంట ఉత్పత్తుల కొనుగోళ్లలో రేవంత్ సర్కారు విఫలమైందని, దీనిపై రైతులు ఆగ్రహంతో ఉన్నారని ఎఫ్డీసీ మాజీ చైర్మన్ వంటేరు ప్రతాప్ రెడ్డి అన్నారు. కొనుగోళ్ల వైఫల్యాన్ని నిరసిస్తూ గజ్వేల్లోని మార్కెట్ యార్డులో 'రైతు దీక్ష', 'వంటా వార్పు' కార్యక్రమాలు నిర్వహించారు. 40% కంటే ఎక్కువ కొనుగోళ్లు జరగలేదని, బీజేపీ నేతలు కూడా రైతులపై కపట ప్రేమ చూపుతున్నారని ఆయన విమర్శించారు. చివరి గింజ కొనేవరకు పోరాటం కొనసాగుతుందని తెలిపారు. ప్రతాప్ రెడ్డి మార్కెట్ యార్డును సందర్శించి, తడిసిన ధాన్యాన్ని పరిశీలించి రైతుల కష్టాలను తెలుసుకున్నారు.