కష్టపడి పని చేస్తేనే ఏదైనా గుర్తింపు.. నంది అవార్డు గ్రహీత

సిద్దిపేట జిల్లా చేర్యాల మండలం పోతిరెడ్డిపల్లికి చెందిన కత్తుల నర్మద హైదరాబాదులోని బిర్లా మందిరంలో బ్యూటిషియన్ రంగంలో నంది అవార్డును నటుడు బాబు మోహన్ చేతుల మీదుగా అందుకున్నారు. గతంలో సైమా అవార్డు కూడా అందుకున్న ఆమె, ఏ రంగంలోనైనా పట్టుదల, సమయస్ఫూర్తి, కష్టంతో పనిచేస్తే గుర్తింపు వస్తుందని అన్నారు. ఐదేళ్లుగా కష్టపడి నేర్చుకుని పనిచేస్తున్నానని, నచ్చిన రంగంలో ఇష్టపడి పనిచేస్తే ఉన్నత లక్ష్యాలు సాధించవచ్చని ఆమె తెలిపారు.