సిద్దిపేట లో బతుకమ్మ సంబరాలు

సిద్దిపేట అర్బన్ మండలం ఎన్సాన్‌పల్లిలోని తెలంగాణ బాలికల రెసిడెన్షియల్ పాఠశాల మరియు కళాశాలలో శనివారం సాయంత్రం నాలుగు గంటలకు ముందస్తు బతుకమ్మ సంబరాలు ఘనంగా నిర్వహించారు. కళాశాల ప్రిన్సిపల్ కే. విష్ణువర్ధన్ రెడ్డి, ఏ. టీ. పీ రాధికల ఆధ్వర్యంలో జరిగిన ఈ కార్యక్రమంలో విద్యార్థినులు, సిబ్బంది పాల్గొన్నారు. పువ్వులను పూజించే గొప్ప పండుగ తెలంగాణలో మాత్రమే జరుపుకుంటారని ఈ సందర్భంగా తెలిపారు. విద్యార్థుల ఆటపాటలు అందరినీ ఆకట్టుకున్నాయి.