ప్రమాదకరమైన చైనీస్ మాంజాను విక్రయిస్తున్న ముగ్గురిపై కేసు

సిద్దిపేట పోలీసులు నిషేధిత చైనీస్ మాంజాను విక్రయిస్తున్న ముగ్గురు వ్యక్తులను అరెస్ట్ చేశారు. వన్ టౌన్ పోలీస్ స్టేషన్ పరిధిలోని ఒక దుకాణంపై దాడి చేసి, 35 చైనీస్ మాంజా రోల్స్‌ను స్వాధీనం చేసుకున్నారు. ఆగమాలు రాజేష్ అలియాస్ చింటూ, మహేశ్వరం నాగరాజు, సుతారీ శేఖర్ అనే ముగ్గురిపై కేసు నమోదు చేశారు. ప్రాణాలకు ముప్పు కలిగించే ఈ మాంజాను విక్రయించినా, వాడినా కఠిన చర్యలు తీసుకుంటామని పోలీసులు హెచ్చరించారు.