సిద్ధిపేట: నీటి గుంతలో పడి బాలుడు మృతి

కొండపాక మండలం బందారం గ్రామంలో గురువారం విషాదకర సంఘటన చోటుచేసుకుంది. గ్రామానికి చెందిన కీసర రమేష్ అనితల రెండేళ్ల కుమారుడు దీక్షిత్, ఇంటి పక్కన ఉన్న నీటి గుంతలో పడి మృతి చెందాడు. బుధవారం కురిసిన వర్షానికి ఆ గుంతలు నీటితో నిండిపోయాయి. దీక్షిత్ పిల్లలతో ఆడుకుంటూ అందులో పడిపోయినట్లు తెలుస్తోంది. బాలుడు కనిపించకపోవడంతో తల్లిదండ్రులు వెతికారు. చివరికి ఇంటి పక్కన గల నీటి గుంతలో పడిపోయి ఉన్నట్లు గుర్తించారు. అప్పటికే బాలుడు మృతి చెందడంతో గ్రామంలో విషాద ఛాయలు అలుముకున్నాయి.