సిద్దిపేట: అంతర్ జిల్లా దొంగల ముఠా అరెస్ట్

సెల్ టవర్ బ్యాటరీలు, డీజిల్ దొంగిలిస్తున్న అంతర్ జిల్లా ముఠా సభ్యులు ఐదుగురిని, వాటిని కొనుగోలు చేసిన మరో ఆరుగురిని పోలీసులు అరెస్టు చేశారు. వారి వద్ద నుంచి 18 బ్యాటరీలు, రూ. 3.01 లక్షల నగదు, రెండు ఆటోలు, ఓ కారు, ద్విచక్రవాహనం స్వాధీనం చేసుకున్నారు. భద్రాద్రి కొత్తగూడెం జిల్లా అయ్యన్నపాలెంకు చెందిన బత్తుల గురుస్వామి నేతృత్వంలోని ముఠా ఈ దొంగతనాలు చేస్తున్నట్లు సిద్దిపేట పోలీసు కమిషనర్ విజయ్ కుమార్ సోమవారం వెల్లడించారు. అరెస్టు చేసిన వారిని రిమాండ్ కు తరలించారు.