అల్లర్లు సృష్టిస్తే కఠిన చర్యలు తప్పవు: సీఐ

అక్బరుపేట మండలంలోని వీరారెడ్డిపల్లి, జంగపల్లి, గాజులపల్లి, అల్మాసిపూర్ గ్రామాల పొలిమేరలలో ఉన్న బండ మల్లన్న స్వామి ఆలయంలో ఈ నెల 15న గురువారం జరగనున్న జాతరపై శనివారం గ్రామ పెద్దలతో సమావేశం జరిగింది. దుబ్బాక సీఐ శ్రీనివాస్, భూంపల్లి ఎస్ఐ హరీష్ గౌడ్ పాల్గొని, జాతర ఏర్పాట్లను పరిశీలించారు. జాతరలో అల్లర్లు సృష్టిస్తే కఠిన చర్యలు తీసుకుంటామని సీఐ హెచ్చరించారు.