గురుకులాలంటే ఎందుకంత చిన్నచూపు: హరీశ్‌రావు

సీఎం రేవంత్​ రెడ్డి పాలనలో గురుకులాల్లో విద్యార్థులు పాముకాట్లకు గురవుతున్నారని మాజీ మంత్రి, బీఆర్ఎస్​ ఎమ్మెల్యే హరీశ్​ రావు ఆగ్రహం వ్యక్తం చేశారు. మహబూబాబాద్​ జిల్లా ఇనుగుర్తి గురుకులంలో ఇంటర్​ విద్యార్థిని అశ్మిత పాముకాటుకు గురైన ఘటనపై ఆయన మంగళవారం ఎక్స్​లో స్పందించారు. ఇది రేవంత్​ పరిపాలనా వైఫల్యమని, హార్వర్డ్​లో సీఎం కాస్ట్​ లీ చదువులు చదువుతుంటే, ఇక్కడ గురుకుల విద్యార్థులు ప్రాణాలకు రక్షణ లేకుండా పోతున్నారని ఆవేదన వ్యక్తం చేశారు.