సౌతాఫ్రికాతో జరిగిన తొలి వన్డేలో అద్భుత సెంచరీతో చెలరేగిన టీమిండియా స్టార్ క్రికెటర్ విరాట్ కోహ్లీ, రాబోయే విజయ్ హజారే ట్రోఫీలో ఆడనున్నాడు. దాదాపు 15 ఏళ్ల తర్వాత దేశవాళీ టోర్నీలో బరిలోకి దిగనున్న కోహ్లీ, ఢిల్లీ క్రికెట్ అసోసియేషన్‎కు సమాచారం అందించాడు. ఢిల్లీ క్రికెట్ అసోసియేషన్ కూడా దీనిని ధృవీకరించింది. ఫిట్ నెస్, మ్యాచ్ ప్రాక్టీస్ కోసం దేశవాళీ క్రికెట్ ఆడాలని బీసీసీఐ సూచన మేరకు కోహ్లీ అంగీకరించాడు. చివరిసారిగా 2010 ఫిబ్రవరిలో ఢిల్లీ తరుఫున ఆడాడు.