వివేకానంద 163వ జయంతి: ఎమ్మెల్యే విజయరమణ రావు నివాళులు
సుల్తానాబాద్ పట్టణంలో సోమవారం స్వామి వివేకానంద 163వ జయంతి వేడుకలు ఘనంగా జరిగాయి. ఈ సందర్భంగా గౌరవ పెద్దపల్లి శాసనసభ్యులు విజయరమణ రావు ముఖ్య అతిథిగా పాల్గొని, స్వామి వివేకానంద విగ్రహానికి పూలమాల వేసి నివాళులు అర్పించారు. స్వామి వివేకానంద తన బోధనలతో భారతదేశ ఔన్నత్యాన్ని విశ్వవ్యాప్తం చేశారని, నేటి యువతకు ఆయన ఆదర్శప్రాయుడని ఎమ్మెల్యే అన్నారు. ఈ కార్యక్రమంలో జిల్లా గ్రంథాలయ సంస్థ అధ్యక్షుడు అంతటి అన్నయ్య గౌడ్, మార్కెట్ కమిటీ చైర్మన్ మినుపాల ప్రకాష్ రావు, వివేకానంద యూత్ అసోసియేషన్ అధ్యక్షుడు సామల రాజేంద్రప్రసాద్ తదితరులు పాల్గొన్నారు.
