కేటీఆర్ వాహనాన్ని తనిఖీ చేసిన ఎన్నికల అధికారులు

రాజన్న సిరిసిల్ల జిల్లాలో మున్సిపల్ ఎన్నికల కోడ్ అమలులో ఉన్న నేపథ్యంలో, మంత్రి కేటీఆర్ వాహనాన్ని ఎన్నికల అధికారులు అడ్డుకుని తనిఖీ చేశారు. ఎన్నికల నిబంధనలకు అనుగుణంగా అధికారులు వ్యవహరించారని, కేటీఆర్ కూడా వారికి సహకరించారని సమాచారం. ఈ సందర్భంగా, ప్రతి ఒక్కరూ ఎన్నికల అధికారులకు సహకరించాలని కేటీఆర్ ప్రజలను కోరారు. ఎన్నికల ప్రవర్తనా నియమావళిని అందరూ పాటించాలని అధికారులు సూచించారు.