సిరిసిల్ల: జాతీయ స్థాయిలో దూసుకెళ్లిన విద్యార్థుల ప్రతిభ

రాజన్న సిరిసిల్ల జిల్లా గంభీరావుపేట మండలం దమ్మన్నపేట గ్రామంలోని జిల్లా పరిషత్ ఉన్నత పాఠశాల విద్యార్థులు జంతు మృతదేహాల తొలగింపు ట్రాలీ, మహిళా వంట మిత్రలకు ఉపయోగపడే ప్రత్యేక పరికరాలను రూపొందించి జాతీయ స్థాయి ఇన్స్పైర్ సైన్స్ ఫేర్కు ఎంపికయ్యారు. ఈ నలుగురు విద్యార్థులు బెంగళూరులో జనవరిలో జరగనున్న జాతీయ స్థాయి సైన్స్ ఎగ్జిబిషన్లో తమ ఆవిష్కరణలను ప్రదర్శించనున్నారు. గతంలోనూ ఈ పాఠశాల విద్యార్థులు రాష్ట్ర, జాతీయ స్థాయిల్లో అవార్డులు సాధించారు. విద్యార్థుల విజయంలో ప్రధానోపాధ్యాయులు, ఉపాధ్యాయులు కీలక పాత్ర పోషించారు.