సిరిసిల్ల: మున్సిపాలిటీ పరిధిలో ప్రత్యేక నిఘా

మున్సిపల్ ఎన్నికల నేపథ్యంలో అధికారులు నిఘా చర్యలను ముమ్మరం చేశారు. మున్సిపాలిటీ పరిధిలో మూడు చొప్పున ఫ్లయింగ్ స్క్వాడ్ (FST) మరియు స్టాటిక్ సర్వేలెన్స్ (SST) బృందాలను నియమించారు. చెక్ పోస్టుల వద్ద SST బృందాలు వాహనాల రాకపోకలను నిరంతరం పర్యవేక్షిస్తూ, అనుమానం వచ్చిన ప్రతి వాహనాన్ని క్షుణ్ణంగా తనిఖీ చేస్తున్నాయి. ఈ తనిఖీలను వీడియో రికార్డింగ్ చేస్తున్నారు. ఎన్నికల ప్రవర్తనా నియమావళి ఉల్లంఘన జరగకుండా కట్టుదిట్టమైన చర్యలు తీసుకుంటున్నారు.