బీసీ సాధికారత సంఘం ఆధ్వర్యంలో చాకలి ఐలమ్మకు ఘన నివాళి

రాజన్న సిరిసిల్ల జిల్లా, వేములవాడలోని తెలంగాణ చౌక్‌లో బీసీ సాధికారత సంఘం ఆధ్వర్యంలో వీరవనిత చాకలి ఐలమ్మ 131వ జయంతిని శనివారం ఘనంగా నిర్వహించారు. ఈ సందర్భంగా ఐలమ్మ విగ్రహానికి పూలమాలలు వేసి నివాళులర్పించారు. బీసీ నేతలు పొలాస నరేందర్, లింగంపల్లి దేవయ్య మాట్లాడుతూ భూమి, భుక్తి, వెట్టి చాకిరి విముక్తి కోసం ఐలమ్మ చేసిన పోరాటం స్ఫూర్తిదాయకమని కొనియాడారు. ఆమె ఆశయాలు నేటి తరానికి మార్గదర్శకమని పేర్కొన్నారు. ఈ కార్యక్రమంలో పలువురు బీసీ నేతలు పాల్గొన్నారు.