దుబ్బ రాజన్న జాతర పోస్టర్ ఆవిష్కరణ

రాజన్న సిరిసిల్ల జిల్లా వేములవాడ రూరల్ మండలం నాగయ్యపల్లి గ్రామంలో వెలసిన శ్రీ దుబ్బ రాజన్న స్వామి జాతర పోస్టర్‌ను వేములవాడ రాజరాజేశ్వర స్వామి ఆలయ ఈవో రమాదేవి ఆవిష్కరించారు. జనవరి 17, 18 తేదీలలో జరగనున్న ఈ జాతర సందర్భంగా, గ్రామస్తులు, జాతర కమిటీ సభ్యుల ఆధ్వర్యంలో పోస్టర్ ఆవిష్కరణ జరిగింది. ఈవో రమాదేవి మాట్లాడుతూ, జాతరను సంప్రదాయబద్ధంగా, శాంతియుతంగా నిర్వహించాలని, భక్తులకు ఎలాంటి ఇబ్బందులు కలగకుండా ఏర్పాట్లు చేయాలని సూచించారు. ఈ కార్యక్రమంలో గ్రామ పెద్దలు, జాతర కమిటీ సభ్యులు, భక్తులు పాల్గొన్నారు.