సిరిసిల్ల: రోడ్డు ప్రమాదంలో యువకుడు మృతి

రాజన్న సిరిసిల్ల జిల్లా సిరిసిల్ల మున్సిపల్ పరిధిలోని రగుడు ఎల్లమ్మ మూలమలుపు వద్ద జరిగిన ఘోర రోడ్డు ప్రమాదంలో ఒక యువకుడు మృతి చెందగా, మరొకరు తీవ్రంగా గాయపడ్డారు. అతివేగంగా వచ్చిన ద్విచక్ర వాహనం అదుపుతప్పి చెట్టును ఢీకొనడంతో ఈ ప్రమాదం జరిగింది. మృతి చెందిన యువకుడు జగిత్యాల జిల్లాకు చెందిన పాలిటెక్నిక్ విద్యార్థి అని, తన అక్క పెళ్లికి ఆహ్వాన పత్రికలు ఇచ్చి తిరిగి వస్తుండగా ఈ ఘటన చోటు చేసుకుందని తెలిసింది. తీవ్రంగా గాయపడిన వ్యక్తిని ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.