మా సార్ మాకే కావాలంటూ రోడ్డెక్కిన విద్యార్థులు.. దిగొచ్చిన అధికారులు

ఝార్ఖండ్‌లోని గఢ్వా జిల్లా కండి బ్లాక్‌లో తమ అభిమాన హెడ్ మాస్టర్ మలయ్ కుమార్ సింగ్ బదిలీని నిరసిస్తూ విద్యార్థులు చేపట్టిన మూడు రోజుల ఆందోళన విజయవంతమైంది. విద్యార్థుల పట్టుదల ముందు అధికారులు తలొగ్గి, బదిలీ ఉత్తర్వులను ఉపసంహరించుకున్నారు. నిరసనల సమయంలో ఒక విద్యార్థిపై బ్లాక్ చీఫ్ చేయి చేసుకోవడం, వాహనంపై దాడి, పోలీస్ స్టేషన్‌పై రాళ్ల దాడి వంటి సంఘటనలతో పరిస్థితి ఉద్రిక్తంగా మారింది. ఉన్నతాధికారులు జోక్యం చేసుకుని, విద్యార్థుల డిమాండ్‌కు అంగీకరించి, బదిలీని రద్దు చేయడంతో విద్యార్థులు శాంతించి ఆందోళన విరమించారు.