అమెరికాలో రోడ్డు పక్కన ఫోటోలు తీసుకుంటున్న ఒక భారతీయ జంటను గుర్తుతెలియని వ్యక్తి తీవ్రంగా అవమానించాడు. "మీరు ఇండియా నుంచి వచ్చారా?" అని ప్రశ్నించి, వారిని "వెంటనే మీ దేశానికే తిరిగి వెళ్లిపోండి" అంటూ బూతులు తిడుతూ అసభ్య పదజాలంతో దూషించాడు. ఈ మొత్తం సంఘటనను బాధితులు తమ ఫోన్‌లో రికార్డ్ చేయగా, ఆ వీడియో సామాజిక మాధ్యమాలలో వైరల్ అవుతోంది. విదేశాలలో భారతీయులపై ఇలాంటి వివక్ష, ద్వేషపూరిత దాడులు పెరుగుతుండటం పట్ల ప్రవాస భారతీయులు, నెటిజన్లు ఆగ్రహం వ్యక్తం చేస్తున్నారు.