వేసవిలో దొండ సాగు.. కాసుల వర్షమే ఇక!

వేసవిలో దొండ సాగు రైతులకు లాభదాయకంగా మారుతోందని నిపుణులు సూచిస్తున్నారు. అయితే ఎండలు, నీటి కొరత వంటి సవాళ్లను ఎదుర్కొనేందుకు సరైన యాజమాన్య పద్ధతులు అవసరం. బిందు సేద్యం ద్వారా నీటి వినియోగాన్ని తగ్గిస్తూ, ప్రతి 3–4 రోజులకు ఒకసారి నీరు అందించడం మంచిది. మల్చింగ్ ద్వారా నేల తేమను కాపాడుకోవచ్చు. దొండ తీగ పంట కావడంతో పందిరి పద్ధతిలో సాగు చేయాలి. పాత ఆకులు, ఎండిన కొమ్మలను తొలగించడం ద్వారా గాలి ప్రసరణ మెరుగై దిగుబడి పెరుగుతుంది. సరైన జాగ్రత్తలతో వేసవిలో మంచి నాణ్యతతో అధిక లాభాలు పొందవచ్చు.