యాక్సిడెంట్ లో మృతి చెందిన కుటుంబానికి ఆర్థిక సాయం అందజేత

హుజూర్ నగర్ నియోజకవర్గ పరిధిలోని గరిడేపల్లి మండలం కీతవారిగూడెం గ్రామానికి చెందిన తెలబాటి సైదులు యాక్సిడెంట్‌లో మృతి చెందారు. ఈ నేపథ్యంలో, ఆయన కుటుంబాన్ని పరామర్శించిన పిల్లుట్ల రఘు, రూ.10 వేల ఆర్థిక సాయం గురువారం అందించారు. నియోజకవర్గ వ్యాప్తంగా ప్రతి గ్రామంలో ప్రజలకు అండగా ఉంటానని, ఆపదలో ఉన్న వారికి సహాయం చేయడం తన బాధ్యతగా భావిస్తున్నట్లు రఘు తెలిపారు. బీఆర్ఎస్ పార్టీలో చేరిన తర్వాత కూడా సేవా కార్యక్రమాలు కొనసాగుతాయని, కార్యకర్తలను కలుపుకొని పార్టీని బలోపేతం చేయడం లక్ష్యంగా పెట్టుకున్నట్లు ఆయన పేర్కొన్నారు. ప్రతి గ్రామంలో ప్రజలకు అందుబాటులో ఉంటూ సహాయం అందిస్తానని హామీ ఇచ్చారు.