ఇన్సూరెన్స్అడ్వైజర్ శ్రీనివాస్ కు బెస్ట్ పర్ఫామెన్స్ అవార్డు

కోదాడకు చెందిన సీనియర్ ఇన్సూరెన్స్ అడ్వైజర్ ఎస్. ఎస్. శ్రీనివాసరావుకు ఇన్సూరెన్స్ రంగంలో ఉత్తమ సేవలకు గాను బెస్ట్ పర్ఫామెన్స్ అవార్డు లభించింది. ఏప్రిల్ నెలలో అత్యుత్తమ పనితీరు కనబరిచినందుకు ఆయనను ఈ పురస్కారానికి ఎంపిక చేశారు. ఈ నెల 19న వరంగల్‌లోని కాళోజీ నారాయణరావు కళాక్షేత్రంలో జరిగే ఉన్నత స్థాయి సమావేశంలో సంస్థ ఉన్నతాధికారుల చేతుల మీదుగా అవార్డుతో పాటు గోల్డ్ మెడల్‌ను అందజేయనున్నారు. వినియోగదారులకు నాణ్యమైన సేవలు అందించడం, ఎల్లప్పుడూ అందుబాటులో ఉండడం, నిరంతర శ్రమతో పనిచేయడం వల్లే ఈ గుర్తింపు దక్కిందని శ్రీనివాసరావు తెలిపారు. ఆయనకు పలువురు అభినందనలు తెలిపారు.