సబ్సిడీ పై జీలుగు విత్తనాలు.. సద్వినియోగం చేసుకోవాలి

కోదాడ ప్రాథమిక వ్యవసాయ సహకార సంఘం కార్యాలయంలో బుధవారం రైతులకు 50 శాతం రాయితీతో జీలుగు విత్తనాల పంపిణీని పీఏసీఎస్ చైర్మన్ ఓరుగంటి శ్రీనివాస్ రెడ్డి ప్రారంభించారు. జీలుగు పంట భూసారాన్ని పెంచడంతో పాటు పచ్చిరొట్ట ఎరువుగా ఉపయోగపడుతుందని, రైతులు ఈ అవకాశాన్ని సద్వినియోగం చేసుకోవాలని సూచించారు. విత్తనాలు పొందడానికి ఆధార్ కార్డు, పట్టాదారు పాస్‌బుక్ ప్రతులు సమర్పించాలని తెలిపారు. వర్షాలు కురిసి భూమిలో తగిన తేమ ఏర్పడిన తర్వాతే విత్తనాలు చల్లితే మంచి ఫలితాలు వస్తాయని వివరించారు.