ప్రకృతి ఆరాధనకు ప్రతీక శీతల భవాని పండుగ

లంబాడి విద్యార్థి సేన జిల్లా అధ్యక్షులు ధరావత్ శివ నాయక్, సూర్యాపేటలో మాట్లాడుతూ, బంజారా సమాజానికి శీతల భవాని పండుగ అత్యంత పవిత్రమైనదని తెలిపారు. ఆషాఢ మాసంలో వచ్చే మంగళవారం దేశవ్యాప్తంగా బంజారా సమాజం ఈ పండుగను నిర్వహిస్తుందని, ఇది ప్రకృతి, పశుసంపద, సామాజిక ఐక్యతకు ప్రతీక అని పేర్కొన్నారు. తెలంగాణ ప్రభుత్వం ఈ పండుగను అధికారికంగా గుర్తించి, ప్రభుత్వ సెలవు ప్రకటించి, ప్రత్యేక నిధులు కేటాయించాలని, అలాగే బంజారా తండాల్లోని దేవాలయాల అభివృద్ధి, సంస్కృతి పరిరక్షణ, పాఠ్యపుస్తకాలలో పండుగ విశిష్టతను చేర్చాలని ప్రభుత్వాన్ని విజ్ఞప్తి చేశారు.