తెలంగాణ పోలీస్‌ శాఖ కీలక నిర్ణయం

తెలంగాణ పోలీస్ శాఖ భద్రతా ఏర్పాట్లపై కీలక నిర్ణయం తీసుకుంది. రిటైర్డ్‌, ప్రస్తుతం విధుల్లో ఉన్న పలువురు ఉన్నతాధికారులకు కేటాయించిన బుల్లెట్‌ ప్రూఫ్‌ వాహనాలను ఉపసంహరించుకుంది. మొత్తం 26 మంది అధికారుల నుంచి ఈ వాహనాలను వెనక్కి తీసుకున్నట్లు సమాచారం. హైదరాబాద్‌ పోలీస్‌ కమిషనర్లకు కేటాయించిన బుల్లెట్‌ ప్రూఫ్‌ వాహనాలను కూడా తొలగించింది. అలాగే పలువురు రాజకీయ నేతలు, పోలీస్‌ అధికారులకు ఉన్న భద్రతను పునఃసమీక్షించి 67 మంది ప్రముఖులకు గన్‌మెన్ల సంఖ్యను తగ్గించింది.