జీఎస్టీ వసూళ్లలో తెలంగాణ దూకుడు.. సెప్టెంబర్‌లో రూ.5,327 కోట్లు

దేశవ్యాప్తంగా జీఎస్టీ వసూళ్లలో సానుకూల వృద్ధి నమోదైంది. ముఖ్యంగా తెలంగాణ రాష్ట్రం సెప్టెంబర్ నెలలో 18 శాతం వృద్ధితో రూ.5,327 కోట్ల డొమెస్టిక్ జీఎస్టీ రెవెన్యూను సాధించింది. ఆర్థిక సంవత్సరం ప్రారంభం నుంచి సెప్టెంబర్ వరకు రాష్ట్రానికి అందిన పోస్ట్-సెటిల్‌మెంట్ SGST మొత్తం రూ.22,231 కోట్లుగా ఉంది. ఆంధ్రప్రదేశ్‌లోనూ జీఎస్టీ వసూళ్లు స్థిరమైన వృద్ధిని నమోదు చేశాయి. సెప్టెంబర్‌లో రూ.3,599 కోట్ల డొమెస్టిక్ జీఎస్టీ రెవెన్యూ, 6 శాతం వృద్ధి నమోదైంది.