సిజేరియ‌న్ ఆప‌రేష‌న్లలో తెలంగాణ టాప్‌.. ఆందోళ‌న‌క‌ర రిపోర్టు

తెలంగాణలో సిజేరియన్ ఆపరేషన్లు ఆందోళనకర రీతిలో పెరుగుతున్నాయి. 2019 నుంచి 2021 మ‌ధ్య జరిగిన నేషనల్ ఫ్యామిలీ హెల్త్ సర్వే-5 ప్రకారం, రాష్ట్రంలో పది డెలివరీలలో ఆరు సిజేరియన్ల ద్వారా జరుగుతున్నాయి. ఇది జాతీయ సగటు 27.2% కంటే రెట్టింపు. ప్రైవేట్ ఆసుపత్రుల్లో 83.9% డెలివరీలు సిజేరియన్లే కాగా, ప్రభుత్వ ఆసుపత్రుల్లోనూ ఈ సంఖ్య 48.1%కి చేరింది. దేశంలోనే అత్యధిక సిజేరియన్ రేటు తెలంగాణలోనే నమోదైంది. అయితే, గర్భిణుల్లో ఐరన్, ఫోలిక్ యాసిడ్ వాడకం జాతీయ సగటు కంటే ఎక్కువగా ఉంది.