పీఎం కిసాన్‌లో రైతుల పేర్లను తొలగిస్తున్న కేంద్రం.. 22వ విడత ఆలస్యం అందుకేనా?

పీఎం కిసాన్ పథకం కింద 22వ విడత రావాల్సి ఉంది. గతంలో మార్చి మొదటి లేదా రెండవ వారంలో ప్రభుత్వం రూ.2,000 చొప్పున రైతుల ఖాతాల్లో జమ చేసేది. ఈ పథకం ద్వారా అర్హులైన రైతులకు సంవత్సరానికి రూ.6,000 మూడు వాయిదాలలో అందుతాయి. ఫిబ్రవరి 24, 2019న ప్రారంభమైనప్పటి నుండి 21 విడతలు విడుదలయ్యాయి. ఈసారి ఆలస్యానికి ప్రధాన కారణం భారీ రీ-వెరిఫికేషన్ డ్రైవ్. అనర్హులను తొలగించడానికి దాదాపు 7 మిలియన్ల పేర్లను తొలగించినట్లు సమాచారం. నకిలీ రైతులుగా ఉండి సాయం పొందుతున్నవారిని గుర్తించే పనిలో కేంద్రం ఉందని అధికారులు తెలుపుతున్నారు.