భయంలేని హనీ బ్యాడ్జర్.. సింహాలను, పాములను ఎదుర్కొనే నిర్భయ జీవి

ప్రపంచంలోనే అత్యంత భయంలేని జంతువుగా హనీ బ్యాడ్జర్ (మెల్లివోరా కాపెన్సిస్) గుర్తింపు పొందింది. ఆఫ్రికా, నైరుతి ఆసియా, భారత ఉపఖండంలో కనిపించే ఈ చిన్న జీవి.. తనకంటే పెద్దవైన సింహాలు, విషపూరిత పాములను సైతం ఎదుర్కొనే సామర్థ్యం కలిగి ఉంటుంది. దీని క్రూరమైన వైఖరి, సంసిద్ధత కారణంగా గిన్నిస్ బుక్ ఆఫ్ వరల్డ్ రికార్డ్స్‌లో చోటు సంపాదించుకుంది. ఇది మాంసాహారి అయినప్పటికీ కీటకాలు, ఎలుకలు, పక్షులు, సరీసృపాలు, వేర్లు, పండ్లు, తేనె వంటివి కూడా తింటుంది.