తిరుమల ఘాట్ రోడ్డు ప్రయాణానికి టీటీడీ నిబంధనలు ఇవే!

తిరుమల ఘాట్ రోడ్డులో భక్తుల భద్రత, వన్యప్రాణుల రక్షణ కోసం టీటీడీ ప్రయాణ సమయాలు, నిబంధనలను మరోసారి స్పష్టం చేసింది. నాలుగు చక్రాల వాహనాలకు ఉదయం 3 నుంచి రాత్రి 12 వరకు, ద్విచక్ర వాహనాలకు ఉదయం 6 నుంచి రాత్రి 9 వరకు మాత్రమే అనుమతి ఉంటుంది. అర్ధరాత్రి 12 నుంచి ఉదయం 3 వరకు ఘాట్ రోడ్డు మూసివేస్తారు. అతి వేగాన్ని నియంత్రించడానికి 'టైమ్ లాక్' విధానం అమలులో ఉంది. నిర్దేశిత సమయానికి ముందే చేరుకుంటే జరిమానా విధించే అవకాశం ఉందని, భక్తులు వేగం తగ్గించి, నిబంధనలు పాటించాలని అధికారులు సూచించారు.