ఢిల్లీ పేలుడు బాధ్యులను ఎట్టి పరిస్థితుల్లో వదిలిపెట్టం: ప్రధాని మోదీ (వీడియో)

ప్రధాని నరేంద్ర మోదీ ఢిల్లీలోని ఎర్రకోట వద్ద జరిగిన బాంబు దాడి నిందితులను ఎట్టిపరిస్థితుల్లోనూ వదిలిపెట్టబోమని హెచ్చరించారు. దేశంలోని పలు దర్యాప్తు సంస్థలు ఈ ఘటనపై దర్యాప్తును ముమ్మరం చేశాయని, దాడికి గల కారణాలను త్వరలో వెల్లడిస్తాయని తెలిపారు. అమాయకుల ప్రాణాలు తీసిన వారిని వదలబోమని దేశ ప్రజలకు హామీ ఇచ్చారు. పేలుడులో మరణించిన వారి కుటుంబాలకు సంతాపం తెలిపారు, గాయపడినవారు త్వరగా కోలుకోవాలని ఆకాంక్షించారు.