ఐబొమ్మ రవిపై మరో మూడు కేసులు నమోదు

సినిమా పైరసీ వెబ్‌సైట్‌ ఐబొమ్మ నిర్వాహకుడు ఇమ్మడి రవిపై పోలీసులు మరో మూడు కేసులు నమోదు చేశారు. ఆయన బెయిల్ పిటిషన్‌పై బుధవారం వాదనలు జరిగనున్నాయి. అయితే ఈ కేసుల్లోనూ కస్టడీకి తీసుకునేందుకు పోలీసులు సిద్ధమవుతున్నారు. మరోవైపు ఎన్‌ఫోర్స్‌మెంట్‌ డైరెక్టరేట్‌ (ఈడీ) కూడా రంగంలోకి దిగింది. జైలులోనే విచారించేందుకు అనుమతి కోరుతూ ఈడీ అధికారులు కోర్టును ఆశ్రయించనున్నట్టు తెలిసింది.