నిమ్మ మొక్కల కొమ్మల కత్తిరింపు, సంరక్షణపై సూచనలు

నిమ్మ మొక్కల ఆరోగ్యకరమైన ఎదుగుదలకు అంటు కొమ్మలను నాటిన తర్వాత, వేరు మూలం నుంచి పెరిగే కొమ్మలను ఎప్పటికప్పుడు కత్తిరించాలని వ్యవసాయ నిపుణులు సూచించారు. కాండంపై 2 అడుగుల ఎత్తు వరకు పక్క కొమ్మలు పెరగకుండా తీసివేయాలి. చెట్టుకు అనవసరమైన, ఎండుబారిన, తెగులు సోకిన కొమ్మ భాగాలను కూడా కత్తిరించాలి. కొమ్మ కత్తిరింపుల అనంతరం, చెట్టుపై 1% బోర్డో మిశ్రమం లేదా కాపర్ఆక్సీక్లోరైడ్‌ను పిచికారీ చేయాలి. అలాగే, చెట్టు మొదలు నుంచి 1.5 అడుగుల ఎత్తు వరకు బోర్డో పేస్టును పూయాలని సూచనలు జారీ చేశారు.