ట్రాఫిక్ ఉల్లంఘనలకు ఏఐతో చలాన్లు

హైదరాబాద్ పోలీసులు ట్రాఫిక్ నిబంధనల ఉల్లంఘనలపై కఠిన చర్యలు చేపట్టారు. కృత్రిమ మేధ (ఏఐ) సాంకేతికతతో కూడిన సీసీటీవీ కెమెరాలు వాహనదారుల ఉల్లంఘనలను గుర్తించి, నేరుగా వాట్సప్, మెసేజ్, ఈ-మెయిల్ ద్వారా చలాన్లు జారీ చేయనున్నాయి. బేగంపేటలో రెండు నెలల పైలెట్ ప్రాజెక్ట్ విజయవంతం కావడంతో, మల్కాజ్‌గిరి కమిషనరేట్‌లోని 75 సీసీటీవీ కెమెరాలకు ఏఐ సాంకేతికతను జోడించి అమలు చేయాలని నిర్ణయించారు. ఈ కొత్త విధానంతో ట్రాఫిక్ పోలీసుల సేవలను రోడ్డు భద్రత వంటి ఇతర విభాగాల్లోనూ వినియోగించుకోనున్నారు.