నేటి నుంచి మరో 14 రోజులు ట్రాఫిక్‌ ఆంక్షలు

హైదరాబాద్‌లోని వైశాలినగర్‌ రైల్వే అండర్‌ పాస్‌ వద్ద రోడ్డు విస్తరణ, స్ట్రామ్‌ వాటర్‌ డ్రైనేజీ పనుల కారణంగా ట్రాఫిక్‌ ఆంక్షలను మరో 14 రోజులు పొడిగించారు. సెప్టెంబర్‌ 3 నుంచి 16 వరకు ఈ ఆంక్షలు అమల్లో ఉంటాయని సైబరాబాద్‌ ట్రాఫిక్‌ పోలీసులు తెలిపారు. గతంలో విధించిన ఆంక్షలు పూర్తవకపోవడంతో ఈ నిర్ణయం తీసుకున్నారు. వైశాలినగర్‌ అండర్‌పాస్‌ మీదుగా వెళ్లే వాహనాలను మైహోమ్‌ మంగళ టి-జంక్షన్‌ వద్ద మళ్లిస్తారు. ప్రయాణికులు సహకరించాలని పోలీసులు కోరారు.