జాతరలో విషాదం.. స్వింగ్ నుంచి జారి యువకుడి మృతి

బీహార్‌లోని నలందా జిల్లాలో జరుగుతున్న రాజ్‌గిర్ మల్మాస్ జాతరలో ఘోర విషాదం చోటుచేసుకుంది. సోమవారం రాత్రి 'సునామీ' స్వింగ్‌పై నుంచి జారిపడి 25 ఏళ్ల అమన్ కుమార్ అనే యువకుడు మృతి చెందాడు. స్వింగ్ కదులుతున్న సమయంలో సేఫ్టీ బెల్ట్ ఊడిపోవడంతో ఈ దుర్ఘటన జరిగినట్లు తెలుస్తోంది. తీవ్రంగా గాయపడిన అమన్‌ను ఆసుపత్రుకి తీసుకెళుతుండగా మార్గమధ్యంలోనే మృతి చెందాడు. ప్రమాదానికి కారణమైన స్వింగ్‌ను స్వాధీనం చేసుకుని, ఆపరేటర్‌పై కేసు నమోదు చేసినట్లు పోలీసులు తెలిపారు.