ప్రస్తుత జీవితంలో మానవత్వం గొప్పదని అస్సాం రాజధాని గువహటిలో ఒక రాపిడో డ్రైవర్ నిరూపించారు. ఒక అంధ విద్యార్థి తన కాలేజీకి వెళ్లడానికి రాపిడో బైక్ బుక్ చేసుకున్నాడు. డ్రైవర్ ఆ విద్యార్థిని జాగ్రత్తగా బైక్‌పై కూర్చోబెట్టుకుని కాలేజీ వద్దకు తీసుకెళ్లారు. గేటు వద్ద వదిలేయకుండా, విద్యార్థిని తరగతి గది వరకు చేత్తో పట్టుకుని నడిపిస్తూ తీసుకెళ్లారు. ఈ దృశ్యం సోషల్ మీడియాలో వైరల్ కావడంతో.. డ్రైవర్ మానవత్వాన్ని అందరూ ప్రశంసిస్తున్నారు. ఇలాంటి వ్యక్తులు సమాజానికి అవసరమని నెటిజన్లు అభిప్రాయపడుతున్నారు.