తులం బంగారం స్కీమ్.. దరఖాస్తు ప్రక్రియ ఎలాగంటే?

తెలంగాణ కాంగ్రెస్ ప్రభుత్వం 2023 ఎన్నికల మేనిఫెస్టోలో ప్రకటించిన ఆరు గ్యారంటీలలో కీలకమైన తులం బంగారం పథకం అమలుకు సిద్ధమైంది. పేద కుటుంబాల్లోని ఆడపిల్లల పెళ్లి సమయంలో ఆర్థిక భారాన్ని తగ్గించేందుకు రూ.1 లక్ష నగదుతో పాటు 1 తులం (11.66 గ్రాములు) బంగారం అందించే ఈ పథకం మహిళా సాధికారతకు దోహదపడుతుంది. అర్హులు తెలంగాణ ఈ-పాస్ అధికారిక వెబ్‌సైట్ లేదా మీ సేవ కేంద్రాల ద్వారా ఆన్‌లైన్‌లో దరఖాస్తు చేసుకోవచ్చు. దరఖాస్తు తర్వాత స్థానిక అధికారులు క్షేత్రస్థాయిలో విచారణ జరిపి నివేదిక సమర్పిస్తారు. అనుమతి లభించిన తర్వాత నగదు నేరుగా లబ్ధిదారుల ఖాతాలోకి చేరుతుంది.