విమానంలో ఇద్దరు పైలట్లు ఒకే భోజనం తినరు.. ఎందుకంటే?

విమాన ప్రయాణంలో పైలట్లు ఒకే రకమైన భోజనం తీసుకోకపోవడానికి కారణం ప్రయాణికుల భద్రతే. ఒకవేళ ఆహారం కలుషితమైతే, ఇద్దరు పైలట్లకు ఒకేసారి ఫుడ్ పాయిజనింగ్ అయ్యే ప్రమాదం ఉంది. దీనివల్ల విమానం గాల్లో ఉన్నప్పుడు ప్రమాదకర పరిస్థితి తలెత్తవచ్చు. ఈ రిస్క్‌ను తగ్గించడానికి, చాలా విమానయాన సంస్థలు ఇద్దరు పైలట్లకు వేర్వేరు భోజనాలు అందించే విధానాన్ని పాటిస్తాయి. ఇది తప్పనిసరి చట్టం కానప్పటికీ, భద్రతా విధానాల్లో భాగంగా సంస్థలు ఈ జాగ్రత్తలు తీసుకుంటాయి.