నటి ప్రగతి ఇటీవల జరిగిన ఏషియన్ ఓపెన్ అండ్ మాస్టర్స్ పవర్ లిఫ్టింగ్ ఛాంపియన్‌షిప్‌లో నాలుగు పతకాలు సాధించారు. ఈ పతకాలను ఇండస్ట్రీలోని మహిళా ఆర్టిస్టులకు అంకితం చేస్తున్నట్లు ఆమె తెలిపారు. జిమ్‌లో తన దుస్తులపై వచ్చిన విమర్శలు, ట్రోల్స్‌పై ఆమె స్పందిస్తూ, జిమ్‌కు వెళ్లేటప్పుడు అలాంటి దుస్తులే ధరించాలని, చీర లేదా చుడీదార్‌లో జిమ్‌ చేయడం సాధ్యం కాదని అన్నారు. ట్రోల్స్‌ చూసి భయపడ్డానని, అయితే తన పతకాలతోనే సమాధానం ఇచ్చానని పేర్కొన్నారు. '3 రోజెస్‌' ట్రైలర్ లాంఛ్ ఈవెంట్‌లో ఆమె ఈ వ్యాఖ్యలు చేశారు.