తమిళనాడులో దారుణ ఘటన చోటుచేసుకుంది. సేలం జిల్లా అస్తంబట్టి సమీపం సుబ్రహ్మణ్యపురానికి చెందిన ఇంజినీరింగ్‌ గ్రాడ్యుయేట్‌ భారతి(34)ని.. ఆమె ప్రియుడు ఉదయశరణ్‌(49) దిండుతో అదిమి హత్య చేశాడు. వీరిద్దరి మధ్య సోమవారం రాత్రి జరిగిన గొడవలో ఆగ్రహంతో ఉదయశరణ్‌ ఈ ఘాతుకానికి పాల్పడ్డాడు. స్పృహ కోల్పోయిన భారతిని ఆస్పత్రికి తరలించగా, అప్పటికే మృతి చెందినట్లు వైద్యులు తెలిపారు. పోలీసులు కేసు నమోదు చేసి ఉదయశరణ్‌ను అరెస్టు చేశారు.