వికారాబాద్ రైల్వేస్టేషన్‌లో ఎంఆర్‌పీకి మించి నీళ్ల బాటిళ్ల అమ్మకం

వికారాబాద్ రైల్వే జంక్షన్‌లోని మల్టీపర్పస్ స్టాల్‌లో ఎంఆర్‌పీ కంటే అధికంగా నీళ్ల బాటిళ్లు అమ్ముతున్నారని ప్రయాణికులు ఆరోపించారు. రూ. 14 ఎంఆర్‌పీ ఉన్న లీటర్ బాటిల్‌పై ఫ్రిడ్జ్ కూలింగ్ పేరుతో అదనంగా రూ. 6 వసూలు చేస్తున్నారని, ప్రశ్నించిన వారిపై సిబ్బంది వాగ్వాదానికి దిగుతున్నారని తెలిపారు. ఈ విషయంపై రైల్వే పోలీసులకు ఫిర్యాదు చేయగా, స్టాల్‌పై చర్యలు తీసుకుంటామని అధికారులు హామీ ఇచ్చినట్లు ప్రయాణికులు పేర్కొన్నారు.