మరోసారి వివేక హత్య కేసు విచారణ వాయిదా

వైఎస్ వివేకానంద రెడ్డి హత్య కేసు విచారణను సుప్రీం కోర్టు మళ్లీ వాయిదా వేసింది. దర్యాప్తు సంస్థ అఫిడవిట్ దాఖలు చేయడానికి సమయం కోరడంతో ఈ నిర్ణయం తీసుకుంది. గతంలో హత్యకు సంబంధించి తదుపరి దర్యాప్తు అవసరమా?, కాదా? అని కోర్టు సీబీఐను ప్రశ్నించింది. ఈ సందర్భంగా సీబీఐ తరఫున అదనపు సొలిసిటర్ జనరల్ ఎస్సీ రాజు హాజరై మరికొంత సమయం కావాలని అభ్యర్థించారు. దీంతో జస్టిస్ ఎం.ఎం. సుందరేశ్ నేతృత్వంలోని ధర్మాసనం విచారణను ఈ నెల 16వ తేదీకి వాయిదా వేసింది.