కొత్తగూడలో జంతు మాంసం కలకలం

మహబూబాబాద్ జిల్లా కొత్తగూడ మండల కేంద్రంలోని జీఎల్ నగర్ ఇండియన్ బ్యాంక్ గల్లీలో రాత్రి గుర్తుతెలియని వ్యక్తులు అక్రమంగా మాంసం తరలిస్తుండగా, ఒక జంతువు వెనుక భాగం రోడ్డుపై పడిపోయింది. అటవీ శాఖ కార్యాలయానికి సమీపంలోనే ఈ ఘటన చోటుచేసుకుంది. ఘటనా స్థలానికి చేరుకున్న అధికారులు మాంసాన్ని స్వాధీనం చేసుకున్నారు. వెటర్నరీ డాక్టర్‌తో పోస్టుమార్టం నిర్వహించి, శాంపిల్స్‌ను ల్యాబ్‌కు పంపిస్తామని, రిపోర్ట్ వచ్చిన తర్వాత అది ఏ జంతువు మాంసమో నిర్ధారిస్తామని, నిందితుల కోసం గాలిస్తున్నామని అధికారి వజాహిత్ తెలిపారు.